Ordu.az xəbər verir ki, bu barədə “Al Jazeera” telekanalı bildirib.

“Bizə məlum olan budur ki, İranın xarici işlər naziri İslamabaddan ayrıldıqdan sonra Omana gedib və orada çox yüksək səviyyəli məsləhətləşmələrdə iştirak edib. Həmin müzakirələrin nəticəsində o, bazar günü İslamabada qayıtmalıdır, hər halda, belə gözlənilir”, - deyə media orqanı qeyd edib.

Pakistanlı rəsmilər telekanala bildiriblər ki, bazar ertəsi İranın xarici işlər naziri böyük ehtimalla yenidən Pakistanın baş naziri, eləcə də quru qoşunlarının baş komandanı ilə görüşəcək.

“Al Jazeera”nın vurğuladığı kimi, bu, ümidverici əlamət kimi qəbul olunur. Yəni onlar ümid edirlər ki, bu, həqiqətən prosesin mərhələli addımlarından biri olacaq və irəliləyişə gətirib çıxaracaq.

Xatırladaq ki, Abbas Əraqçi ABŞ ilə danışıqlar aparmadan Pakistandan ayrılmışdı.

ABŞ prezidenti Donald Tramp isə öz növbəsində xüsusi elçilərinin İslamabada səfərini ləğv etdiyini bəyan edib.

Sevinc Əliyeva
Ordu.az