Ordu.az xəbər verir ki, məktəb voleybol komandasındakı keçmiş komanda yoldaşı Alleni “qırılma həddində olan dahi” və “çox sabit” şəxs kimi təsvir edib.

Şübhəlinin Torransdan olan Koul Tomas Allen olduğu müəyyən edilib. Bu barədə “NBC News”a işlə tanış olan federal rəsmi bildirib. “LinkedIn” profilinə əsasən, Allen 2017-ci ildə Pasadenada yerləşən nüfuzlu özəl tədqiqat universiteti olan Kaliforniya Texnologiya İnstitutunu (Caltech) maşınqayırma üzrə bakalavr dərəcəsi ilə bitirib. Təhsil müəssisəsi 2017-ci ildə universiteti bitirmiş Koul Allen adlı tələbə barədə məlumatlara malik olduğunu təsdiqləyib.

“LinkedIn” profilində həmçinin qeyd olunur ki, o, 2025-ci ilin mayında “Dominges Hills” Kaliforniya Dövlət Universitetində kompüter elmləri üzrə magistr dərəcəsi alıb.

Kaliforniya Texnologiya İnstitutunu bitirdikdən sonra Allen bir il mexanik-mühəndis kimi işləyib, daha sonra müstəqil videooyun tərtibatçısı olub, sonradan isə yuxarı sinif şagirdlərinə kollecə qəbul məsələsində kömək edən bir şirkətdə yarımştat müəllim kimi çalışıb.

Sevinc Əliyeva
Ordu.az