Ordu.az xəbər verir ki, bu barədə “CBS News” öz mənbələrinə istinadən məlumat yayıb.

Məlumata görə, insident zamanı ən azı beşdən səkkizədək atəş açılıb. Gecə keçirilən mətbuat konfransında Kolumbiya dairəsi polis rəisinin müvəqqəti vəzifə icraçısı Ceff Kerrol bildirib ki, şübhəli “Washington Hilton” hotelinin girişində yerləşən nəzarət-buraxılış məntəqəsinə hücum etməyə cəhd edərkən ov tüfəngi, tapança-pulemyot və bir neçə bıçaqla silahlanmış olub.

Hüquq-mühafizə orqanları həmçinin bildiriblər ki, şübhəli xəsarət almayıb və onun sağlamlıq vəziyyətinin qiymətləndirilməsi üçün hospitalizasiya olunub.

Hadisə nəticəsində Gizli Xidmətin bir əməkdaşı yaralanıb, lakin onu zirehli gödəkçə qoruyub və yaxın zamanda sağalacağı gözlənilir.

Xatırladaq ki, ABŞ prezidenti Donald Tramp, birinci xanım Melaniya Tramp və ABŞ-nin digər yüksəkvəzifəli rəsmiləri atışma səbəbindən müxbirlərin şam yeməyindən təcili təxliyə edilmişdilər.

Şübhəli saxlanılıb və xəstəxanadadır. Ona ittiham irəli sürülüb və bazar ertəsi məhkəmə qarşısına çıxacaq.

Sevinc Əliyeva
Ordu.az