Ordu.az xəbər verir ki, müqavilə Şimali Afrika ölkəsindən olan personalın təlimlərinin 2-ci və 3-cü mərhələləri üçün Latinadakı 70-ci Hərbi Hava Qüvvələri Qanadı və Qalatinada (Lecce) 61-ci Hərbi Hava Qüvvələri Qanadı tərəfindən təşkil edilən kurslarda iştirakını nəzərdə tutur.
Nəzəri təlimin bir hissəsi Ankona bölgəsinin Loreto şəhərində Hərbi Hava Qüvvələri Xarici Dillər Məktəbinin Aviasiya İngilis dili Mərkəzində keçiriləcək.
General Qoretti və general Qocil tərəfindən imzalanan memorandumda 70-ci Hərbi Hava Qüvvələri Qanadının 207-ci Uçuş Qrupu və 61-ci Hərbi Hava Qüvvələri Qanadının 214-cü Uçuş Qrupu tərəfindən Liviya personalına təklif olunan təlim proqramları ilə bağlı bütün təfərrüatlar dəqiqləşdirilib.
“Bu müqavilə Liviya HHQ ilə uçuş hazırlığı sahəsində üç il müddətinə qüvvədə olan ilk ikitərəfli əməkdaşlıq müqaviləsi olduğu üçün böyük əhəmiyyət kəsb edir. Bu, həmçinin ordumuzun təlim sahəsində mükəmməllik səviyyəsinin və Aralıq dənizində təhlükəsizlik, sabitlik üçün həyati əhəmiyyət kəsb edən tərəfdaş ölkə ilə əməkdaşlığın gücləndirilməsinin sübutudur”, - deyə İtaliya HHQ bildirib.
Sevinc Əliyeva
Ordu.az
