“Biz ənənəvi, tarixən çox güclü müttəfiqlərik, dostlarıq, təkcə qonşu deyilik, bizim çox yaxşı tərəfdaşlığımız var, bütün istiqamətlərdə əməkdaşlıq edirik. De-fakto onsuz da strateji dost və strateji tərəfdaş idik. Bu gün artıq deyə bilərik ki, bu reallıq formalaşıb və bu gün biz rəsmi olaraq strateji tərəfdaşlıq haqqında əməkdaşlıq müqaviləsi imzaladıq”, - deyə imzalanma ilə bağlı Gürcüstanın Baş naziri İrakli Qaribaşvili bildirib.
Ermənistan və Gürcüstan arasında strateji tərəfdaşlıq, şübhəsiz, bir sıra amillərdən “ibarət” ola bilər ki, onların da arasında Ermənistan-Fransa münasibətlərini təbii olaraq diqqətə almalıyıq. Fransa səfiri Ermənistanla “strateji yaxınlıq” elan edəndə, bu yaxınlıq həm Fransanın, həm də Ermənistanın Gürcüstanla strateji tərəfdaşlığı olmadan tam ola bilməz. Bu mənada, İrəvanda düşünürlər ki, Ermənistan-Gürcüstan strateji tərəfdaşlığının məzmunu və gücü ən azından indiki dövrdə Fransanın bəyanatlarından və Ermənistanın Fransa ilə münasibətlərinə dair ifadələrdən daha vacibdir.
Lakin Ermənistan-Gürcüstan strateji tərəfdaşlığının məzmunu hələ də açıq sualdır, çünki tərəfdaşlıq, əlbəttə ki, təkcə imzalanmadan ibarət deyil. Təbii ki, bu, başlanğıc nöqtəsidir, lakin izləniləcək məzmunla bağlı prinsipial və konseptual fikirlər toplusu yoxdursa, heç bir şey yoxdur. Ermənistan-Gürcüstan əməkdaşlığı məsələsində bu var, yoxsa yox? Bu sualın bu gün cavabı yoxdur, çünki həm Qara dəniz hövzəsi, həm Qafqaz, həm də Gürcüstanın özünün perspektivləri ilə bağlı bir sıra daha geniş sualların cavabı yoxdur.
Bu arada Gürcüstanın Baş naziri İrakli Qaribaşvili istefa verdiyini açıqlayıb. Onu hakim “Gürcü arzusu” partiyasının sədri İrakli Kobaxidze əvəz edəcək. Onlar Qaribaşvili ilə “yerdəyişmə edirlər”, hazırkı Baş nazir partiyanın rəhbəri vəzifəsinə gedəcək. Şübhə yoxdur ki, bu yerdəyişmənin “xaç atası” ötən ilin sonunda “Gürcü Arzusu”nun fəxri prezidenti kimi böyük siyasi qayıdış elan edən Bidzina İvanişvilidir.
Qaribaşvili-Kobaxidze transferi sadəcə funksional transfer deyil, bu, Gürcüstanın siyasi davranışında zəif, “məxməri”, lakin müəyyən dəyişiklik demək olacaq. Hara qədər? İntriqa budur.
Asif Cəfərov
Ordu.az
