Bu faktla regiondan keçən yollara diqqət yetirilir və regionun təhlükəsizlik problemlərinin çərçivəsini müəyyən olunur.

Overçuk bir neçə gün əvvəl Moskvada erməni həmkarı Mher Qriqoryanla sərhəd görüşündən sonra Moskvaya gedən Baş nazirin müavini Şahin Mustafayevi qəbul edib. Şahin Mustafayevlə Mher Qriqoryan arasında görüş Tavus sərhəddində, demarkasiya və delimitasiya komissiyaları çərçivəsində baş tutub. Həmin vaxt verilən rəsmi məlumata görə, iki Baş nazir müavini komissiyaların iş qaydası ilə bağlı təşkilati məsələləri müzakirə ediblər.

Həmin görüşdən sonra Şahin Mustafayev Moskvaya gedib və orada Overçukla görüşüb. Məlum olduğu kimi, Overçuk Rusiya Federasiyası Baş nazirinin müavini qismində Azərbaycan və Ermənistan Baş nazir müavinləri ilə üçtərəfli formatda iştirak edir. Bu üçtərəfli formatda həm demarkasiya və delimitasiya, həm də kommunikasiyaların açılması məsələləri müzakirə edilir. Ötən gün Bakı və İrəvan sərhədin demarkasiya komissiyasının iş qaydasını müəyyən etdiklərini bildiriblər. Buna əsasən, görüşlər ardıcıl olaraq Azərbaycan və Ermənistan ərazisində və ya sərhəddə baş tutacaq. Məhz bundan sonra Overçuk Ermənistana gedib. Bakı və İrəvanın bir-birlərinin ərazisində, yoxsa məsələn, Moskvada və ya Rusiyanın hər hansı bir başqa şəhərində görüşə biləcəkləri Rusiyanı narahat edir?

Yoxsa Rusiya bu görüşlərin ikitərəfli keçirilə biləcəyindən, yəni Rusiyanın bu görüşlərdə iştirak etməyəcəyindən narahatdır? Yoxsa xüsusilə yanvar ayında Vaşinqtonda keçiriləcək görüşdən əvvəl Overçukun bu səfərinin motivi demarkasiya və delimitasiya məsələsi yox, yollarla bağlıdır? Orada hər halda əsas məsələ yenə də kommunikasiyaların blokadadan çıxarılması rejimi olacaq ki, bunu da bir neçə gün əvvəl Bakıya gələn dövlət katibinin müavini O-Brayn açıq şəkildə ifadə edib.

Asif Cəfərov
Ordu.az