Nazir müavini Çexiya nümayəndə heyətini qəbul edib

2019/05/mudaf-1558101961.jpg
Oxunub: 30436     12:38     17 May 2019    
Mayın 17-də Müdafiə Sənayesi nazirinin müavini Yəhya Musayev Azərbaycanda səfərdə olan Çex Respublikasının “Ceska Zbrojovka Group SE” şirkətinin idarə heyətinin sədri və prezidenti Lubomir Kovarikin başçılıq etdiyi nümayəndə heyəti ilə görüşüb.

Müdafiə Sənayesi Nazirliyinin mətbuat xidmətindən Ordu.az-a verilən mlumata görə, qonaqları salamlayan nazir müavini Azərbaycan ilə Çexiya arasındakı ikitərəfli münasibətlərin yüksək səviyyədə olduğunu məmnunluqla ifadə etdi. Nazirliyin fəaliyyətindən danışan Yəhya Musayev Azərbaycan Respublikası Müdafiə Sənayesi Nazirliyinin Çexiyanın müvafiq qurumları ilə hərbi-texniki sahədə əməkdaşlıq emək üçün hər zaman hazır olduğunu bildirdi.

Görüşdə Müdafiə Sənayesi Nazirliyi ilə “Ceska Zbrojovka Group SE” şirkəti arasında hərbi-texniki sahədə birgə layihələrin həyata keçirilməsinə dair müzakirələr aparıldı.

Sonda Lubomir Kovarik səmimi qəbula görə təşəkkürünü bildirdi.


Ordu.az

© Materiallardan istifadə edərkən hiperlinklə istinad olunmalıdır


Teqlər: MSN   Çexiya  


Bizi "telegram"da izləyin