Ordu.az xəbər verir ki, bu barədə Mariya Zaxarova “RIA Novosti” agentliyinə müsahibəsində danışıb.

Onun sözlərinə görə, İrəvanın davranışları belə bir təsəvvür yaradır ki, Rusiya ilə münasibətlər strateji tərəfdaşlıqdan daha çox taktiki vasitə kimi qiymətləndirilir.

“Möhkəm təəssürat yaranır ki, Moskvayla münasibətlər İrəvanda Avropa istiqamətinə yenidən yönəlmənin maliyyələşdirilməsi üçün yol açmağa xidmət edən bir növ taktiki alət kimi qəbul olunur”, - deyə Zaxarova bildirib.

Rusiya XİN nümayəndəsi qeyd edib ki, Moskva Ermənistanın xarici siyasətdə atdığı addımları diqqətlə izləyir və bu proseslərin gələcək nəticələrini qiymətləndirir.

Alpər Mövludoğlu
Ordu.az