Ordu.az “Al-Masdar” agentliyinə istinadən xəbər verir ki, bu barədə BMT-nin Suriya üzrə xüsusi nümayəndəsi Staffan de Mistura danışıb.

“Heç kəs şübhə etmir ki, “Ən-Nusra” və “Əl-Qaidə” terrorçudur. Bu terrorçular BMT tərəfindən qəbul edilir. İstənilən halda “Əl-Qaidə”, “Ən-Nusra”, fərqi yoxdur onlar özlərini necə adlandırırlar adlandırsınlar, əsas olan budur ki, İdlibdə onların sayı 10 min ətrafındadır və üstəgəl onların ailələri”, - deyə Mistura vurğulayıb.

O, həm də özünün İdlib vilayətindən mülki şəxslərin təhlükəsiz təxliyəsini təşkil etmək üçün Suriya hökuməti ilə əməkdaşlığa hazır olduğunu bildirib.

“Mən yenə də şəxsi, fiziki olaraq hökumətlə əməkdaşlığa hazıram. İdlibdən təhlükəsiz şəkildə insanların çıxmasını zəmanətə alacaq müvəqqəti dəhliz aça bilərik”, - deyə o əlavə edib.

Ağalar Ağalarlı
Ordu.az