"Terror" sözünə uyğun 3394 nəticə tapıldı!

Pentaqon ABŞ-ın Suriyadan çəkilməməli olduğuna təkid edir

2019/02/5c58d-1549349664.jpg
Oxunub: 438     10:47     05 Fevral 2019    
ABŞ Müdafiə Nazirliyi Suriyada yerləşdirilmiş hərbi qüvvələrin geri qaytarılacağı təqdirdə İŞİD-in yenidən güclənə biləcəyini düşünür.

Ordu.az RT-yə istinadən xəbər verir ki, bu barədə Pentaqon və Dövlət Departamenti tərəfindən birlikdə hazırlanmış hesabatda qeyd edilib.

İraq və Suriyada ABŞ rəhbərliyində İŞİD-ə qarşı mübarizə aparan koalisiya əməliyyatlarını analiz edən hesabatda terrorçu qrupun üzvlərinin sayının 2000-ə qədər azaldığı göstərilsə də, ABŞ-ın buradakı mövcudluğunun İŞİD-in yenidən güclənməməsi üçün vacib olduğu qeyd edilib.

Xatırladaq ki, ötən ilin iyununa olan hesabatda qrupun İraqda 17 min, Suriyada isə 14 min döyüşçüyə sahib olduğu göstərilirdi. Terrorçuların sayında əhəmiyyətli dərəcədə azalma qeydə alınsa da, dekabrdan etibarən İŞİD-in çox sayda koalisiya hərbçisini öldürməsi onun yenidən möhkəmlənə bilməsinə nümunə kimi göstərilib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Pentaqon   ABŞ