Ordu.az xəbər verir ki, ön xətt bölmələrindən birində xidmət edən və dözülməz şərait səbəbindən hərbi hissəni bir neçə dəfə tərk edən Armen Şirinyan adlı hərbi qulluqçu silahdan atəş açaraq özünü yaralayıb.
Məlumatda deyilir ki, A. Şirinyan ayaqyoluna getmək adı ilə döyüş mövqeyindən uzaqlaşıb. Atəş səsinə gələn xidmət yoldaşları bir az aralıda onu qan içində tapıblar. Ağdərədəki hərbi tibb müəssisəsinə yerləşdirilən əsgərin vəziyyəti ağırlaşdığından Xankəndi hospitalına göndərilib.
Hadisə ictimaiyyətdən gizlədilir. Faktla bağlı cinayət işi açılıb, araşdırma aparılır.
Alpər Mövludoğlu
Ordu.az
