Yavər Camalov İran müdafiə və silahlı qüvvələrə dəstək nazirini qəbul etdi

2018/02/790_1519219742.jpg
Oxunub: 4018     21:27     21 Fevral 2018    
Fevralın 21-də müdafiə sənayesi naziri Yavər Camalov Azərbaycanda səfərdə olan İran İslam Respublikasının müdafiə və silahlı qüvvələrə dəstək naziri, general-mayor Əmir Hatəminin başçılıq etdiyi geniş tərkibli nümayəndə heyətini qəbul etdi.

Müdafiə Sənayesi Nazirliyindən Ordu.az-a verilən məlumata görə, Yavər Camalov nümayəndə heyətinə nazirliyin fəaliyyəti ilə bağlı məlumat verdi.

Dostluq və mehribançılıq şəraitində keçən görüşdə iki ölkə arasındakı müdafiə sənayesi üzrə əməkdaşlığın inkişaf persperktivlərinə dair fikir mübadiləsi aparıldı.

Nümayəndə heyətinin başçısı, general-mayor Əmir Hatəmi səmimi qəbula görə minnətdarlığını bildirdi.

Görüşdə İran İslam Respublikasının Azərbaycandakı səfiri Cavad Cahangirzadə də iştirak edirdi.

Ordu.az

© Materiallardan istifadə edərkən hiperlinklə istinad olunmalıdır


Teqlər: Müdafiə-Sənayesi-Nazirliyi   İran   Hərbi-əməkdaşlıq  


Bizi "telegram"da izləyin