Dünən könüllü əsgər Yuri Msyaqinin “Facebook" səhifəsində Ukrayna ordusunun Luqanskda iki qəsəbəni ələ keçirməsi barədə yaydığı məlumatın Baş Qərargah tərəfindən təkzib edilməsinə baxmayaraq, buna bənzər məlumatlar bölgədə vəziyyətin kifayət qədər kritik olduğunu göstərir.
Ordu.az Ukraynada baş verən proseslərlə bağlı ən son məlumatları əldə etməyə çalışıb.
Ukrayna ordusundakı adı açıqlanmayan mənbənin verdiyi məlumata görə, hazırda Luqanskda vəziyyət olduqca gərgindir.
“Luqanskda vəziyyət gərgindir. İkinci eşalonda yerləşən hərbi hissələr ön xəttin gücləndirilməsi üçün istifadə olunur. Zirehli texnikalardan ibarət bölmələr isə Koma istiqamətinə çıxarılıb. Seperatçı bölgənin rəhbəri Plotnitski Rusiyaya qaçıb. Hər an əks istiqamətdən hücum gözlənilir” – deyə adı açıqlanmayan mənbə bildirib.
Onun sözlərinə görə, cəbhə boyu bütün hərbi hissə və birləşmələr yüksək döyüş hazırlığı vəziyyətinə gətirilib.
Ordu.az
