Ordu.az Yaxın Şərqdə bazar gecəsi baş verən əsas hadisələrin qısa xülasəsini təqdim edir.
- İran-ABŞ qarşıdurması Rusiyanı çətin vəziyyətə salır, çünki Moskvanın həm Tehran, həm də Fars körfəzi ölkələri ilə yaxşı münasibətləri var. Bu barədə Rusiya Prezidenti Vladimir Putin bildirib. O, həmçinin İranın Milli Təhlükəsizlik üzrə Ali Şurasının katibi Əli Laricaninin vəfatı ilə bağlı başsağlığı verib və onunla konstruktiv dialoq aparmağın mümkün olduğunu qeyd edib.
- Putinin sözlərinə görə, Rusiya tərəfi İranın zənginləşdirilmiş uranının çıxarılması ilə bağlı təkliflərini qüvvədə saxlayır. Bu, Tehranın nüvə silahı yaratmaq niyyətinin olmamasına dair inanca əsaslanır. Bununla belə, Moskva bu məsələdə “siyasi xal qazanmağa” çalışmır və həm razılığı, həm də yardımdan imtinanı qəbul etməyə hazırdır.
- İranın Ermənistandakı səfirliyi Ağ Ev mətbuat katibini qızının doğum günü münasibətilə təbrik edib, eyni zamanda Minabda həlak olan məktəbli qızları xatırladıb.
“Sizi təbrik edirik. Uşaqlar günahsızdır və sevgiyə layiqdirlər. Sizin rəhbəriniz Minabdakı məktəbdə 168 uşağı öldürdü, siz isə buna haqq qazandırdınız. Onlar da uşaq idilər. Övladınızı öpəndə həmin uşaqların analarını xatırlayın”, - deyə Ermənistanındakı İran səfirliyinin məlumatında bildirilir.
- İran Hörmüz boğazından keçən internet kabellərindən gəlir əldə etmək üçün üç praktiki addım açıqlayıb:
birinci - xarici şirkətlərdən ilkin icazələr və illik uzadılmalar üçün ödəniş tutulması,
ikinci - bəzi texnologiya nəhənglərini (Meta, Amazon, “Microsoft) İran qanunvericiliyinə uyğun fəaliyyət göstərməyə məcbur etmək,
üçüncü - kabellərin təmiri və xidmət üzrə müstəsna hüquqların İran şirkətlərinə verilməsi.
Sevinc Əliyeva
Ordu.az
