Ordu.az xəbər verir ki, bu barədə 12-ci kanalın müxbiri Barak Ravid amerikalı rəsmilərə və regional mənbələrə istinadən məlumat yayıb.

Məlumata görə, ABŞ Prezidenti Donald Tramp Qətər əmiri Şeyx Təmim bin Həməd Al Taniyə təzyiq göstərərək Tehrana dair danışıqlarda yardım etməsini istəyib.

Doha əvvəlcə bu prosesə qoşulmaq istəməsə də, bir neçə həftə davam edən təzyiqlərdən sonra razılıq verib.

Ravid qeyd edib ki, Pakistan danışıqların əsas vasitəçisi olaraq qalır və Qətər “İslamabadın arxasında fəaliyyət göstərmir”, əksinə ABŞ və İran arasında uzunmüddətli razılaşmanın əldə olunmasına yönəlmiş regional səylərə qoşulur.

Ötən gün Qətərin Baş naziri Vaşinqtonda ABŞ-nin vitse-prezidenti Cey Di Vens ilə Amerika-İran danışıqlarını müzakirə edib.

Rəvayətdə bildirilib ki, rəhbərliyi Trampa yaxın hesab olunan Qətər Qəzzada İsrail və HƏMAS arasında bir neçə atəşkəs razılaşmasının əsas vasitəçisi olub.

Bura ötən ilin oktyabrından davam edən hazırkı kövrək atəşkəs də daxildir.

Sevinc Əliyeva
Ordu.az