Ordu.az xəbər verir ki, nazir bu təşəbbüs nəticəsində ən böyük gül birjası olan “Royal Flora Holland”ın bazarını erməni gül istehsalçılarının üzünə açdığını bildirib.

Məlumata görə, bu addım erməni istehsalçılarına Avropanın bütün ölkələrində və onun hüdudlarından kənarda fəaliyyət göstərən alıcılara çıxış imkanı verəcək.

“Niderland Avropa İttifaqının yardım paketini dəstəkləyir və Ermənistanın gülçülük sahəsi kimi zərər çəkmiş sektorları dəstəkləməyin praktiki yollarını axtarır. Nəticədə “Royal Flora Holland” bazarını erməni gül istehsalçılarının üzünə açır və onları Avropanın hər yerində, eləcə də onun hüdudlarından kənarda olan alıcılarla əlaqələndirir”, - Berendsen bildirib.

Onun sözlərinə görə, Niderland həmçinin azad və ədalətli seçkilərin əhəmiyyətini vurğulayır və bunu Ermənistanın özünün müəyyən etməli olduğu sabit demokratik gələcəyin əsası hesab edir.

Alpər Mövludoğlu
Ordu.az