Ordu.az xəbər verir ki, Paşinyan bu barədə 2026-cı il mayın 4-də İrəvanda keçirilən Avropa Siyasi Birliyinin 8-ci sammitinin yekunlarına dair birgə bəyanat zamanı danışıb.

“Ermənistan inklüziv əlaqələrin möhkəmləndirilməsinə və regional sabitliyin daha geniş təşviqinə yönəlmiş təşəbbüsləri davam etdirir. Sammit bir daha təsdiqlədi ki, Avropa Siyasi Birliyi yalnız dialoq formatı deyil, həm də etimadın gücləndirilməsi və tərəfdaşlarla daha sistemli və perspektivli Avropa gündəliyinin formalaşdırılması üçün platformadır. Mən əminəm ki, İrəvanda aparılan müzakirələr bu sammitdən sonra da davam edəcək və bütün qitədə əməkdaşlıq və qarşılıqlı anlaşmanın inkişafına töhfə verəcək.

Fürsətdən istifadə edərək İrlandiyanın baş naziri Martinə növbəti sammitə ev sahibliyi edəcək ölkənin rəhbəri kimi uğurlar arzulayıram ki, bu güclü dinamikanı və sinerjini qoruyub saxlasın. Həm yerli, həm də beynəlxalq media nümayəndələrinə bu mühüm hadisənin işıqlandırılmasına verdikləri töhfəyə görə təşəkkür edirəm. Həmçinin Avropa Şurasının prezidenti Koştaya İrəvanda bu tarixi sammitin keçirilməsi və təşkilinə göstərdiyi dəstəyə görə minnətdarlığımı bildirirəm”, - deyə o qeyd edib.

Alpər Mövludoğlu
Ordu.az