Ordu.az xəbər verir ki, bu barədə “Associated Press” məlumat yayıb.

Məlumata görə, Əsəd dövründə Suriyanın cənubundakı Dəraa vilayətinin siyasi təhlükəsizlik xidmətinə rəhbərlik etmiş, eyni zamanda keçmiş prezidentin əmisi oğlu olan Suriya ordusunun keçmiş briqada generalı Atef Nəcib məhkəmə zalına “Suriya xalqına qarşı törədilmiş cinayətlər” ittihamı ilə cavab vermək üçün gətirilib.

Nəcib bu vəzifəni 2011-ci ildə tutub. Həmin iş Əsədin təhlükəsizlik qüvvələrinin repressiyalarına qarşı kütləvi etirazların katalizatoruna çevrilmişdi.

Əsəd Rusiyaya qaçıb, onun yaxın çevrəsinin üzvlərinin əksəriyyəti də Suriyanı tərk edib.

Əsədin özü və Suriya silahlı qüvvələrinin 4-cü zirehli diviziyasının keçmiş komandiri olan qardaşı Mahir də daxil olmaqla bir sıra digər keçmiş yüksək vəzifəli şəxslər və təhlükəsizlik əməkdaşları qiyabi qaydada təqsirləndirilən şəxs qismində cəlb ediliblər.

Suriya müxalifətinin fəalları Mahiri qətllərdə, işgəncələrdə, şantajda, narkotik vasitələrin qanunsuz dövriyyəsində və öz həbs yerlərini idarə etməkdə günahlandırırlar.

Nəcib saxlanılan və bazar günü məhkəmədə şəxsən iştirak edən yeganə təqsirləndirilən şəxs olub. Prosesin hazırlıq iclası gələn ay davam etdiriləcək.

Sevinc Əliyeva
Ordu.az