Ordu.az xəbər verir ki, bu barədə xarici KİV-lər məlumat yayıb.

“Kendis Ouensin səhmləri, hansı ki heç vaxt yüksək səviyyədə olmayıb, kəskin şəkildə aşağı düşüb. Onun Fransanın birinci xanımına qarşı hücumları nifrətə layiqdir. Mən düşünürəm ki, bu halda təsdiq olmadan onun IQ səviyyəsi olduqca aşağıdır”, - deyə ABŞ prezidenti yazıb.

O, həmçinin Ouensin şəklini Time jurnalının üz qabığı üslubunda paylaşaraq üzərində “İlin iyrənc adamı”, “Ağdərili varlı kişilərdən istifadə edir”, “Bütün etibarlı fakt yoxlama saytlarında 0 reytinq”, “Cinsi cinayətkarları müdafiə edir” sözlərini yerləşdirib.

Daha əvvəl Ouens Fransa prezidentinin həyat yoldaşı Brijit Makron haqqında mübahisəli iddialar yayırdı. Xüsusilə, Ouens Brijitin əslində kişi olduğu və cinsiyyət dəyişdirmə əməliyyatı keçirdiyi barədə nəzəriyyələri irəli sürürdü. Bu nəzəriyyələr təkzib olunub və məhkəmə araşdırmasının predmetinə çevrilib.

Sevinc Əliyeva
Ordu.az