Ordu.az xəbər verir ki, bu barədə “Fox News” Ağ Evin nümayəndəsinə istinadən məlumat yayıb.

Nümayəndənin sözlərinə görə, tərəflər detalları KİV vasitəsilə müzakirə etmək niyyətində deyillər, lakin nikbin mövqedədirlər və regionda ABŞ maraqlarının təmin edilməsinə yönəlmiş texniki məsləhətləşmələri davam etdirirlər.

Telekanalın qeyd etdiyinə görə, müzakirə mövzusu Şimali Amerika ilə Avropa arasında ən qısa yol üzərində yerləşən və Arktikada erkən xəbərdarlıq və müdafiə sistemlərində mühüm rol oynayan Qrenlandiyanın strateji əhəmiyyətidir.

Məlumata görə, danışıqlar yanvarın sonundan aparılır və Vaşinqton bir sıra məsələlər üzrə ilkin razılaşmalar əldə edildiyini bəyan edib. ABŞ Prezidenti Donald Tramp daha əvvəl dəfələrlə Qrenlandiyanın ABŞ-nin tərkib hissəsinə çevrilməsi imkanını, o cümlədən onu satın almaq ideyasını qaldırıb.

Qrenlandiya Danimarkanın tərkibində muxtar ərazi olaraq qalır, ancaq Vaşinqton və Kopenhagen NATO çərçivəsində onun müdafiəsi barədə razılaşmaya malikdirlər.

Sevinc Əliyeva
Ordu.az