Ordu.az xəbər verir ki, bu barədə Ermənistanın “Joğovurd” nəşri yazıb.

Nəşr qeyd edib ki, şənbə-bazar günləri keçirilmiş səsvermədə 1080 nümayəndədən 988-i iştirak edib. Nəticədə Nikol Paşinyan 933 səs toplayaraq ən yüksək nəticəni göstərib.

“Lakin rəqəmlərin “sətiraltı” məqamları da var. Səsvermədə iştirak edən 988 nümayəndədən 55-i faktiki olaraq Paşinyanı baş nazir namizədi kimi “görməyib” və ya bülletendə düzgün seçim edə bilməyib.

Qəzetin məlumatına görə, təxminən 30-a yaxın partiya üzvü bülletendə baş nazir namizədinin yerinə başqa adlar yazıb: məsələn, Suren Papikyan, Ararat Mirzoyan, Tiqran Avinyan və digərləri”, - deyə nəşr bildirib.

KİV vurğulayıb ki, beləliklə, sadə hesablamaya görə Paşinyan 988 iştirakçıdan 933 səs alıb, bu da təxminən 94,4% deməkdir.

“Qalan 5,6% isə ya fərqli yanaşma nümayiş etdirib, ya da daxili seçkilərdə belə rəqabətin mövcud ola biləcəyini göstərməyə çalışıb.

Belə görünür ki, partiya daxilində baş nazir namizədi məsələsi böyük ölçüdə həll olunub, lakin “sərbəst seçim edənlər” bu mövzuya əlavə müzakirə qatıb, tək namizəd ideyasının daxili plüralizmlə nə dərəcədə uyğun olduğu sual altına düşür”, - deyə nəşr bildirib.

Alpər Mövludoğlu
Ordu.az