Ordu.az xəbər verir ki, bu barədə Brüsseldə yerləşən “Euractiv” nəşri öz mənbələrinə istinadən məlumat yayıb.

Nəşr xatırladır ki, Avropa İttifaqı 2024-cü il fevraldan etibarən Qırmızı dənizdə “Aspides” əməliyyatını həyata keçirir. Bu əməliyyat Yəmən husi üsyançılarının İsraili dəstəkləyən dövlətlərə məxsus ticarət gəmilərinə hücumlarına cavab olaraq başlanıb. Müxtəlif dövrlərdə əməliyyatda Aİ üzv ölkələrinin üçdən altıya qədər freqatı, mina gəmiləri və mina təmizləyən vasitələri iştirak edib.

İki avropalı diplomatın sözlərinə görə, husilərin ABŞ və İsrailə qarşı qarşıdurmaya qoşulması Yaxın Şərqdə onsuz da qeyri-sabit olan vəziyyəti daha da mürəkkəbləşdirə bilər. Brüsseldə Qırmızı dənizdə və Ədən körfəzində ticarət gəmilərinə hücumların yenidən başlaya biləcəyini istisna etmirlər, bu isə yük gəmilərinin yardım gözləmək üçün daha uzun müddət gözləməsinə səbəb ola bilər.

Sevinc Əliyeva
Ordu.az