Ordu.az xəbər verir ki, bu barədə Qətər KİV-ləri məlumat yayıb.

Qeyd edilib ki, bu düşmən hərəkətləri təhlükəli eskalasiya və İranın məsuliyyətsiz hücumları silsiləsi çərçivəsində dövlətlərin suverenliyinin açıq şəkildə pozulması, həmçinin regionun təhlükəsizliyi və sabitliyinə birbaşa təhdid kimi qiymətləndirilib.

Qətər Xarici İşlər Nazirliyi bildirib ki, İran İslam Respublikasının yeni cəbhələr açmaqda və qonşu ölkələrlə gərginliyin miqyasını genişləndirməkdə davam etməsi son dərəcə təhlükəli haldır. Nazirlik Tehrana regionun təhlükəsizliyi və sabitliyini sarsıdan bu məsuliyyətsiz siyasəti dərhal dayandırmaq, region xalqlarının maraqlarını üstün tutmaq, yaxşı qonşuluq prinsiplərinə və beynəlxalq hüquqa riayət etmək çağırışı edib.

Nazirlik Qətər Dövlətinin qardaş Türkiyə Respublikası və Azərbaycan Respublikası ilə tam həmrəy olduğunu, onların suverenliyini, təhlükəsizliyini və ərazi bütövlüyünü qorumaq üçün gördükləri bütün tədbirləri dəstəklədiyini vurğulayıb.

Sevinc Əliyeva
Ordu.az