Ordu.az xəbər verir ki, nazirlik mənbələri, xüsusilə hava müdafiəsi sahəsində əhatəli modernizasiya prosesinin həyata keçirildiyini bildirərək, “Polad Günbəz” adlandırılan sistemlə birlikdə bütün ölkəyə yayılan çoxtəbəqəli hava hücumundan müdafiə şəbəkəsinin qurulmasının hədəfləndiyini vurğulayıblar.

“Əvvəlcə hava müdafiə sistemimizə (“Polad Günbəz”) investisiya edərək çoxqatlı hava müdafiə sistemini ölkəmizin hər yerinə yaymağı planlaşdırırıq”, - deyə açıqlamada qeyd olunub. Bu sistemin mümkün təhdidlərə qarşı erkən xəbərdarlıq və çoxtəbəqəli müdaxilə imkanı yaradacağı bildirilib.

Açıqlamada yalnız havadan müdafiə ilə kifayətlənilmədiyi, həm də hipersəs raket texnologiyaları, Pilotsuz Uçuş Aparatları (PUA), yeni nəsil aviadaşıyıcılar və müasir freqatlar kimi strateji əhəmiyyətli platformaların inkişafının davam etdiyi qeyd olunub.

Nazirlik bu layihələrin müdafiə sənayesinin milli və orijinal istehsal gücünü daha da irəli aparacağını bildirərək qeyd edib: “Hipersəs raketi, PUA, yeni nəsil aviadaşıyıcı və freqat kimi layihələrlə müdafiə qabiliyyətimizi artırırıq”.

Sevinc Əliyeva
Ordu.az