Ordu.az xəbər verir ki, bu barədə TWZ məlumat yayıb.

İranda “Fordo” və “Natanz” obyektlərinə edilən hücumlarda “B-2 Spirit” təyyarələrindən atılan cəmi 14 GBU-57/B bombasının təsiri Pentaqonun uzun müddətdir üzərində düşündüyü bu yeni silahın aktuallığını bir daha ortaya qoyub.

ABŞ HHQ MOP-un məhdud istehsal gücünü artırmaq üçün addımlar atır, eyni zamanda daha yüngül, daha dəqiq və daha dərin nüfuzetmə qabiliyyətinə malik yeni sursat hazırlamaq istəyir.

2024-cü ilin fevralında nəşr olunan ABŞ HHQ-nin tenderinə görə, NGP-nin döyüş başlığı 22.000 funtdan az olacaq, partlayış, parçalanma və nüfuz effektlərinin birləşməsini təmin edəcək.

NGP üçün nəzərdə tutulan digər element raketlə dəstəklənən uzun mənzil qabiliyyətidir. Mövcud MOP bombalarının zərbə qüvvəsi olmadığı üçün onları hədəfə çox yaxın məsafədən atmaq lazımdır. Bu vəziyyət yalnız sağ qalma qabiliyyəti yüksək olan təyyarələrlə əməliyyatların aparılmasını zəruri edir. NGP bu məhdudiyyəti aradan qaldırmağı hədəfləyir.

Sevinc Əliyeva
Ordu.az