Ordu.az xəbər verir ki, bu açıqlama ABŞ-nin müdafiə naziri Pit Heqsetin bu həftənin əvvəlində prezident Donald Trampın bütün ABŞ müttəfiqlərinə, o cümlədən Asiyadakı müttəfiqlərinə yeni xərc meyarlarına cavab verməyə çağırışını təkrarlayan şərhlərindən sonra verilib.

"ABŞ-nin əsas müttəfiqləri arasında Cənubi Koreya müdafiə xərclərinin ÜDM-ə nisbəti olduqca yüksək olan ölkələrdən biridir", - deyə Cənubi Koreyanın Müdafiə Nazirliyi qeyd edib.

Nazirlik vurğulayıb ki, cari müdafiə büdcəsi təxminən 51,2 trilyon von (37,5 milyard dollar) və ya ÜDM-in 2,32 faizini təşkil edir.

Cənubi Koreyanın Müdafiə Nazirliyi Şimali Koreyanın nüvə və raket proqramlarından gələn təhdidlər qarşısında müdafiə xərclərinin durmadan artdığını vurğulayıb.

Sevinc Əliyeva
Ordu.az