Tarixi foto: Türkiyə F-16-sı Hindistan “Jaguar” və “MiQ-29”ları ilə yan-yana...
Oxunub: 800
16:02
14 May 2025
Pakistan və Hindistan arasında qızğın qarşıdurma yaşanarkən, Türkiyənin F-16-ları Hindistan Hərbi Hava Qüvvələrinin (HHQ) “Jaguar” və “MiQ-29” təyyarələri ilə yan-yana gəlib.
Ordu.az xəbər verir ki, Türkiyə HHQ-nin də daxil olduğu “Desert Flag-10/2025” Birləşmiş Ərəb Əmirliklərində (BƏƏ) keçirilib.
Aprelin 21-də başlayan təlimə Hindistan HHQ “MiQ-29” və “Jaguar” təyyarələrini gətirib. Mayın 8-dək davam edən təlimdə Türkiyə HHQ-ni 191-ci Eskadrilya təmsil edib.
Balıkəsirdən havaya qalxan 3 ədəd F-16C və iki nəfərlik F-16D 54 personal ilə BƏƏ-yə gedib. Təlimdə Türkiyə HHQ-nin tanker təyyarə eskadrilyası olan 101-ci Eskadrilya da iştirak edib. KC-135R təyyarəsi Türkiyənin F-16-larına yanacaq doldurub.
“Al Dhafra” aviabazasında keçirilən təlimdə ABŞ, Almaniya, Avstraliya, Bəhreyn, Fransa, Cənubi Koreya, Böyük Britaniya, Qətər və Səudiyyə Ərəbistanı iştirak edib.
