HAVELSAN Gəmi Məlumatlarının Paylanması Sistemində mühüm elektron kartları milliləşdirib

2025/03/1741336424.jpg
Oxunub: 442     14:33     07 Mart 2025    
HAVELSAN milli imkanlarla inkişaf etdirilən Gəmi Məlumatlarının Paylanması Sistemində (GVDS) istifadə edilən “Single Board Computer” (SBC), Zaman Kartı, Müxtəlif İnterfeys və Güc Kartları, habelə “Compact PCI Backplane” kimi xaricdən satın alınan kommersiya tipli elektron kartları milliləşdirərək, komanda və idarəetmə imkanlarına daha bir mühüm aparat mühəndisliyi halqası əlavə edib.

Ordu.az xəbər verir ki, bu barədə şirkətin verdiyi açıqlamada bildirilib.

Açıqlamaya görə, HAVELSAN mühəndisləri tərəfindən hazırlanmış elektron kartlar vasitəsilə istehsal edilən GVDS ailəsinin 56-cı üzvü MİLGEM-6 üçün keçirilən Zavod Qəbulu Sınağından 100 faiz müvəffəqiyyətlə keçərək, A qiyməti alıb.

Bütün elektron kartların HAVELSAN əməkdaşları tərəfindən hazırlanması ilə real Vaxt Rejimli “VxWorks” əməliyyat sisteminin sürücüləri də tam performansla işləyə bilib.

Beləliklə, donanmalardakı gəmilərin ürəyi olan HAVELSAN-ın GVDS aparat və proqram təminatı həllinə milli elektron kartlar əlavə edilib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: HAVELSAN   MİLGEM  


Bizi "telegram"da izləyin