Ordu.az xəbər verir ki, Fransa Yunanıstan Hərbi Hava Qüvvələri üçün əlavə “Rafale” döyüş təyyarələrinin alınmasını maliyyələşdirmək məqsədilə Yunanıstanın inventarından 24 ədəd “Mirage 2000-5” döyüş təyyarəsi almağı planlaşdırırdı.

Lakin Fransa bu təyyarələri almaqdan imtina etdiyi üçün Yunanıstan təyyarələri satmaqda çətinliklərlə üzləşib.

Yunanıstanın “Kathimerini” nəşrinin məlumatına görə, Hindistan başda olmaqla, potensial alıcılarla əvvəlki danışıqlara baxmayaraq, bu döyüş təyyarələrinin alınmasına ciddi maraq olmayıb.

Məlumata görə, son hesabatlar Ukraynanın təyyarəni almaqda maraqlı olduğunu, lakin Yunanıstanın sövdələşməni davam etdirməməyi üstün tutduğunu göstərir.

Sevinc Əliyeva
Ordu.az