Ordu.az xəbər verir ki, Kanada hökuməti 2023-cü ildə ABŞ-nin “General Atomics Aeronautical Systems Inc.” (GA-ASI) şirkəti ilə zərbə PUA-larının tədarükü üçün müqavilə imzalayıb.
Dəyəri 3,7 milyard dollar olan müqavilə MQ-9B zərbə PUA-sı və “Hellfire” raketinin tədarükündən ibarətdir.
Müqavilə çərçivəsində ilk 2 zərbə PUA-sının istehsalına başlanılıb. Zərbə PUA-ları 2026-cı ildə sınaqdan keçiriləcək və 2028-ci ildə Kanadaya təhvil veriləcək.
Layihəyə ümumilikdə 11 uzun mənzilli və uzun müddət havada qala bilən MQ-9B zərbə PUA-sı, həmçinin 6 yerüstü idarəetmə stansiyası, silah sistemləri, infrastruktur dəstəyi və uzunmüddətli texniki xidmətlər daxildir. Proqram dəyəri “rekord” kimi təsvir edilir.
Sevinc Əliyeva
Ordu.az
