"Kanada" sözünə uyğun 276 nəticə tapıldı!

Yezidi deputat etiraz etdi: “Yezidi xalqı hələ də həddindən artıq ağır vəziyyətdədir”

2019/08/456-1564988869.jpg
Oxunub: 578     11:10     05 Avqust 2019    
“Şenqal yezidilərinin soyqırımından 5 il keçsə də, təəssüf ki, yezidilər hələ də həddindən artıq ağır vəziyyətdədirlər və həyat şəraitlərinin yaxşılaşdırılması üçün bugünədək heç bir dəyişiklik edilməyib”.

Ordu.az erməni KİV-lərinə istinadən xəbər verir ki, bu sözləri Ermənistan parlamentinin “Mənim Adımım” fraksiyasının milliyyətcə yezidi deputatı Rustam Bakoyan deyib.

Onun sözlərinə görə, təcili həlli tələb edilən bir sıra problemlər mövcud olsa da, bu istiqamətdə fəaliyyət göstərmək üçün birlik yoxdur.

“Misal olaraq, düşərgələrdəki xəstəliklərin sayının artması, təhsil səviyyəsinin yoxluğu, hətta hərf tanımamaq kimi problemlər mövcuddur. Əgər yezidi birliyi olsaydı, bu problemlər öz həllini tapardı. Bugünədək belə bir birliyinin olmaması təəssüfedici haldır. Yezidi birliyi indiki məqamadək mövcud deyil. Ona görə ki, müxtəlif siyasi qüvvələr daim yezidiləri parçalamağa çalışıblar və indi də bu davam edir. Onlar buna nail ola biliblər. Yezidilərin bu məsələdə beynəlxalq aləmdə, beynəlxalq təşkilatlarda öz problemlərini qaldırmaq və bu istiqamətdə iş aparmaq üçün vahid birlikləri yoxdur”, - deyə milliyyətcə yezidi olan deputat etiraz edib.

O qeyd edib ki, fərdi şəxslər, məsələn, Nadia Murad, “Hazda” beynəlxalq təşkilatının rəhbəri, Mirzə Dinay bu istiqamətdə bəzi addımlar atır, lakin çoxsaylı ailələr hələ də düşərgələrdə qalmaqdadır.

“Bir çox ailələrinin mühacirət etməyə nail olmasına baxmayaraq, 3000-dən artıq, bəzi məlumatlara görə, 50.000 yezidi ailəsi hələ də düşərgələrdədir. Təqribən 100.000 yezidi ailəsi Almaniyaya və digər Avropa ölkələrinə, Kanada, Avstraliyaya mühacirət ediblər. Lakin çoxsaylı ailələr hələ də düşərgələrdədir. Yezidilər pis şəraitdə yaşayırlar. Dünya onlara əl uzatmalıdır və bu vəziyyətdən çıxmaq üçün yardım etməlidir”, - deyə Bakoyan vurğulayıb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Yezidilər   Zorakılıq