Bu il aprelin sonunda Kolonna İrəvan, Tbilisi və Bakıya regional səfərə gəlmişdi və bu səfər zamanı Parisin Ermənistan və Azərbaycan liderlərinin Avropa İttifaqı Assambleyasının ikinci Assambleyasının keçiriləcəyi Kişinyovda görüşünü təşkil etmək niyyətində olduğunu bildirdi.
Birincisi, 2022-ci il oktyabrın 6-da, Ermənistanın Kəlbəcər istiqamətində təxribatından sonra məşhur razılaşmaların əldə olunduğu Praqada dördtərəfli görüşün keçirilməsi ilə yadda qaldı. Kişinyovda isə Almaniya kansleri Şoltsun iştirakı ilə dördtərəfli deyil, beştərəfli görüş keçirildi. İndi oktyabrın 5-də Qranadada eyni təşəbbüsün üçüncü assambleyası çərçivəsində beştərəfli yeni görüş gözlənilir. Hələ həmin görüşdən əvvəl Fransanın xarici işlər naziri Ermənistana səfərini elan etsə də, Azərbaycana səfərin mümkün və ya qeyri-mümkünlüyü barədə heç nə deməyib.
Kolonnanın səfərinin oktyabrın 5-də baş tutacaq görüşlə bağlı olduğuna şübhə yoxdur. Və həmin görüşdən əvvəl yalnız İrəvana səfər edəcəksə, o zaman özünü Ermənistanla məhdudlaşdıracaq. Bu isə Fransa xarici işlər nazirinin Qranada görüşünün məzmunu ilə bağlı səfər zamanı İrəvanda "müəyyən razılaşmalar" əldə etməyə çalışacağı deməkdir. Rəsmi Paris artıq müdafiə nazirinin dili ilə "müəyyən razılaşmalar" barədə məlumatlar yayıb.
Təsadüfi deyil ki, sentyabrın 30-da sözügedən "müəyyən razılaşmalar"dan ruhlanan Ermənistan silahlı qüvvələrinin açdığı atəş nəticəsində bir Azərbaycan əsgəri şəhid oldu. Hadisə oktyabrın 5-də Qranadada gözlənilən beştərəfli görüşdən əvvəl baş verir. Bura, həm də Ermənistanla Azərbaycan arasında sülh müqaviləsinin gündəmdə olacağı yerdir. İrəvan sərhəddə eskalasiya riskini artırmaqla, şübhəsiz ki, Bakıya siyasi təzyiq göstərməyə çalışır. Bununla belə, təkcə Azərbaycana qarşı deyil, həm də ola bilsin ki, Avropa vasitəçiləri, xüsusən də Qranadada keçiriləcək görüşün əsas tərəfləri olan Mişel və Şoltsa təzyiq göstərmək məqsədi daşıyırlar.
Sadə dillə desək, İrəvan hələ də işğalçı siyasətdən imtina etməyib və irimiqyaslı təxribat üçün siyasi zəmin hazırlamaq mərhələsindədir və bu baxımdan Qranada görüşündən istifadə olunacağına şübhə yoxdur. Bu kontekstdə o, həm də sərhəddə gərginlik imitasiyası yaradan hərəkətləri ilə vasitəçilərə şərt qoymağa çalışır. Böyük ehtimalla, sözügedən şərtlər Kolonna vasitəsilə çatdırılacaq və "razılaşdırılacaq".
Asif Cəfərov
Ordu.az
