Şirkətin əməkdaşı Ordu.az-a açıqlamasında bildirib ki, “Jadara” şirkəti yalnız tank əleyninə silahlar istehsal edir.


O, sərgidə təqdim olunan “Naşşab” və “Raptor-LA” tank əleyhinə silahlarının iştirakçılara təqdim edildiyini bildirib.

“Raptor-LA” 50-500 metr məsafədəki hədəfləri məhv etmək üçün nəzərdə tutulub. “Naşşab” raket buraxılış qurğusu ilə 4-ə qədər RPG-32 sursatları hədəflərə atıla bilər.

“Biz eyni zamanda Azərbaycanın “Cihaz” müəssisəsi ilə “Terminator” adlı tank əleyhinə silahlar istehsal edirik. Sistem 5 kilometrədək məsafədəki hədəfləri vura bilir. Biz artıq Azərbaycanda istehsala başlamışıq”, - deyə şirkətin rəsmisi qeyd edib.


O bildirib ki, “Jadara” BƏƏ-yə, Misirə, Azərbaycana “Naşşab” da daxil olmaqla bir çox tank əleyhinə silahlar ixrac edib.

“Mən ADEX sərgisində ilk dəfə iştirak etsəm də, sərgi çox yaxşı təşkil olunub. Bizə burada çox xoş münasibət göstərilir”, - deyə o vurğulayıb.


Ordu.az