Ordu.az xarici KİV-lərinə istinadən xəbər verir ki, ABŞ Suriyanın Deyr əz-Zor və Hasaka bölgələrində yeni hərbi baza qurmağı planlaşdırır.

Məlumata görə, TIR-lar İraqın kürdlərin nəzarəti altında olan şimal hissəsindəki Semalka sərhəd-buraxılış məntəqəsindən keçərək Suriyanın Ayn-əl-Ərəb (Kobani) qəsəbəsində PKK-nın qurduğu YPG qüvvələrinə təhvil verilib.

"ABŞ bizə ağır silah və zirehli texnika ilə pikap nəqliyyat vasitələri göndərib. Bundan başqa, yeni hərbi bazaların inşasında istifadə edilməsi üçün beton bloklar da göndərilib. ABŞ Deyr əz-Zor və Hasaka bölgələrində yeni bazalar quracaq", - deyə məlumatda qeyd olunub.

Sevinc Əliyeva
Ordu.az