Ordu.az xarici KİV-lərə istinadən xəbər verir ki, müşavir ABŞ-ın sadəcə koalisiya qüvvələri təkibindəki hərbi birliklərinin Suriyadan çıxarıldığını, ABŞ-ın özünün isə sərbəst şəkildə fəaliyyətini davam etdirdiyini bildirib.

Con Bolton qeyd edib ki, Suriyadakı 2000-ə qədər hərbçidən ibarət hərbi bazanın fəaliyyətinin bundan sonra davam etdirilməsi planlaşdırılır.

“Biz İŞİD-ə qarşı koalisiyanın Suriyada birbaşa fəaliyyətinin hələlik dayandırılması ilə bağlı qərar aldıq. Lakin ABŞ koalisiyadan sərbəst şəkildə Suriyadakı hərbi əməliyyatlarını bundan sonra da davam etdirəcək. İŞİD-in mövqeləri demək olar ki, tamamilə məhv edilib. Sözügedən terror qruplaşması artıq ciddi təhlükə kimi qəbul edilə bilməz. ABŞ-ın bölgədə varlığını davam etdirməsinin başlıca səbəbi İran təhlükəsidir. İrandan olan təhlükə aradan qalxmadığı müddətcə Vaşinqton öz hərbi gücünü Suriyada hiss etdirəcək”, - deyə müşavir qeyd edib.

Dəyanət Ağalarlı
Ordu.az