Məlumata görə, 2016-cı ildə 3 ay hərbi xidmətdən sonra aprel döyüşlərində mövqelərimizə qarşı təxribatçı əməliyyatlarda iştirak edən Stepanyan nəticədə əlil olub.
Ağır yaralanan və helikopterlə İrəvana aparılan Stepanyana cərahiyyə əməliyyatından sonra 3-cü qrup əlillik dərəcəsi verilib.
2017-ci ildə tibbi müayinədən sonra, 2018-ci ilin mart ayında aparılan təkrar müayinə zamanı üzün müddətli müalicədən sonra ona əlillik dərəcəsinin düşmədiyi bildirilib.
Hazırda o, anası ilə bərabər kirayədə yaşayır. Anası gündəlik tələbatlarını ödəyə bilmədiklərini, çörəyə ehtiyacları olduğunu bildirib.
Ermənistanın əmək və sosial müdafiəsi nazirliyindən, müalicə və müayinə nəticəsində əmək qabiliyyətinin bərpa olunduğuna görə Arman Stepanyana əlillik dərəcəsinin təyin edilmədiyi və təqaüdünün dayandırıldığı barədə məlumat verilib. Nazirlik nümayəndəsi onun şikayətinə təkrar baxıldığını və əlillik dərəcəsinin dayandırılması barədə qərarın yenidən təsdiqləndiyini vurğulayıb.
Alpər Mövludoğlu
Ordu.az 
