Ordu.az TASS informasiya agentliyinə istinadən xəbər verir ki, bu barədə Rusiya xarici işlər naziri Sergey Lavrov bəyan edib.
“Ötən əsrin 80-ci illərinin “nüvə qışı” barədə apokaliptik proqnozları xatırlanır. Xoşbəxtlikdən o, hələ başlamayıb, lakin əvəzində faciəvi hadisələrlə müşayiət olunaraq kütləvi məhvetmə silahları problemini gündəmə gətirən “Ərəb baharı” qədəm qoydu”, - deyə Lavrov bildirib.
O qeyd edib ki, ABŞ-ın İranın nüvə proqramına dair Hərtərəfli Birgə Fəaliyyət Planından çıxması İranla konfrontasiyaya nail olmaq məqsədi daşıyır. Həmçinin Suriya hökumətinin kimyəvi silah tətbiqində təqsirləndirilməsi də Dəməşqdə ABŞ-a tabe olacaq qüvvələri hakimiyyətə gətirmək üçündür.
Ağalar Qəribov
Ordu.az
