Lavrov Mnatsakanyanla Qarabağı müzakirə edib

2018/05/2312-Sergey-Lavrov_1527072314.jpg
Oxunub: 4172     18:43     23 May 2018    
Rusiya xarici işlər naziri Sergey Lavrov telefon danışığı vasitəsilə Ermənistanın yeni xarici işlər naziri Zohrab Mnatsakanyanla Dağlıq Qarabağda tənzimlənmə prosesini müzakirə edib.

Ordu.az xəbər verir ki, bu barədə Rusiya Xarici İşlər Nazirliyi məlumat yayıb.

“Mayın 23-də erməni tərəfinin təşəbbüsü üzrə Rusiya xarici işlər naziri Sergey Lavrovun Ermənistan xarici işlər naziri Zohrab Mnatsakanyanla telefon danışığı baş tutub. Danışıqlar çərçivəsində qarşılıqlı fəaliyyətin aktual məsələləri, o cümlədən iyunun 1-də Düşənbədə MDB Ölkələri Rəhbərləri Şurası və KTMT-nin iyunun 11-də Almatıda keçirilməsi nəzərdə tutulan iclası müzakirə edilib”, - deyə məlumatda bildirilir.

Qeyd edilir ki, nazirlərin söhbətində Dağlıq Qarabağ üzrə nəzərdə tutulan kontaktlar və ATƏT-in Minsk Qrupunun fəaliyyəti müzakirə edilib.

Ağalar Qəribov
Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Ermənistan   Dağlıq-Qarabağ   Sergey-Lavrov  


Bizi "telegram"da izləyin