Ordu.az xəbər verir ki, Ankara Kosmos və Aviasiya İxtisaslaşdırılmış Təşkilatlanmış Sənaye Bölgəsinin (HAB) ev sahibliyi ilə təşkil olunacaq “Dəstək və Transformasiya Məlumatlandırma Toplantısı” sektor nümayəndələrinin maliyyələşmə, potensialın inkişafı və transformasiya prosesləri ilə bağlı mühüm imkanlarını gündəmə gətirəcək.

2026-cı il iyunun 17-də saat 14:00-da HAB İdarəetmə Binasında keçiriləcək tədbirdə KOSGEB-in sədri Ahmet Serdar İbrahimcioğlu da iştirak edəcək.

Toplantının əsas mövzularından biri KOBİ-lərə yönəlmiş Potensialın İnkişafı Dəstək Proqramı çərçivəsində ayrılan dəstəyin yuxarı həddinin 30 milyon TL-yə çatdırılması olacaq.

Bundan əlavə, müəssisələr üçün 36 ay müddətli və ilk 6 ayı ödənişsiz olan maliyyələşmə modelləri barədə ətraflı məlumat veriləcək.

Proqram çərçivəsində məşğulluğun qorunmasına yönəlmiş aktual dəstək mexanizmləri, eləcə də müəssisələrin rəqabət qabiliyyətinin artırılması məqsədilə yaşıl transformasiya və rəqəmsal transformasiya imkanları da müzakirə olunacaq.

Müdafiə, kosmos və aviasiya ekosisteminin gücləndirilməsi məqsədilə təşkil olunan tədbirə bölgədə fəaliyyət göstərən sənaye müəssisələrinin yüksək maraq göstərəcəyi gözlənilir.

Təşkilati planlamanın düzgün aparılması və təhlükəsizlik prosedurlarının problemsiz icrası üçün iştirakçıların əvvəlcədən qeydiyyat formasını doldurması məcburi olacaq.

Sevinc Əliyeva
Ordu.az