Ordu.az xəbər verir ki, bunu iqtisadiyyat naziri Mikayıl Cabbarov İslam İnkişaf Bankı (İsDB) Qrupunun 51-ci İllik Toplantıları çərçivəsində "Azərbaycan ev sahibi və əlaqələndirici kimi: yaşıl transformasiya, regional inteqrasiya və strateji tərəfdaşlıq" mövzusunda Müdirlər Şurasının sədri ilə dialoq sessiyasında deyib.
Onun sözlərinə görə, keçmiş SSRİ məkanında, xüsusilə Cənubi Qafqazda münaqişələrin sona çatması ilk dəfə olaraq regionun sabit inkişafı üçün əlverişli şərait yaradıb: "Ərazi bütövlüyünün təmin olunması təkcə siyasi deyil, həm də iqtisadi siyasət baxımından proqnozlaşdırıla bilən və sabit mühit formalaşdırıb".
Nazir əlavə edib ki, Azərbaycanda dövlət və özəl sektoru əhatə edən institusional ekosistem son illərdə əhəmiyyətli dərəcədə inkişaf edib: "Söhbət yalnız dövlət qurumlarından deyil, məhkəmə sistemi, bank sektoru, biznes assosiasiyaları və digər institutlardan gedir. Bu gün Azərbaycan iqtisadiyyatı daha yetkin və mürəkkəb layihələri həyata keçirməyə hazır institusional mühitə malikdir".
Ordu.az
