Ordu.az xəbər verir ki, bu barədə “CBS News” məlumat yayıb.

Məlumata görə, Retkliffin yanında bu ilin əvvəlində Venesuelanın o zamankı lideri Nikolas Maduronun saxlanılması üzrə ABŞ əməliyyatında iştirak etmiş əməliyyat əməkdaşlarından biri də olub.

Qeyd olunub ki, Maduronun saxlanılmasından əvvəl Venesuela ilə Kuba müttəfiq ölkələr idi. Kuba hökuməti bəyan etmişdi ki, yanvar ayında Maduronun azad edilməsinə yönəlmiş əməliyyat zamanı 32 kubalı hərbçi və polis əməkdaşı öldürülüb.

Mənbələrin sözlərinə görə, Retkliff kubalı tərəfə həmin silahlı qruplaşma liderini Venesuelada onların vətəndaşlarını öldürən şəxs kimi təqdim etməyə çalışıb. “CBS News”un məlumatına əsasən, Retkliffin görüş keçirdiyi şəxslərdən biri Kuba sabiq Prezidenti Raul Kastronun nəvəsi Raul Rodriqes Kastro olub.

Bildirilib ki, Retkliffin səfərindən bir həftə keçməmiş ABŞ federal məhkəməsində 94 yaşlı Raul Kastroya qarşı ittiham aktı açıqlanıb. İttihamda o, 1996-cı ildə Kubada iki təyyarənin vurulması ilə nəticələnən ölümcül sui-qəsd planında iştirak etməkdə təqsirləndirilib.

Qeyd olunub ki, Retkliffin səfəri ABŞ administrasiyasının Kubaya qarşı aylardır davam edən təzyiqlərindən sonra baş tutub. Vaşinqton Kuba adasına neft ixrac edən ölkələrə yüksək gömrük rüsumları tətbiq etməklə hədələyib ki, bunun da adada ciddi yanacaq qıtlığı yaradacağı bildirilir.

Sevinc Əliyeva
Ordu.az