Ordu.az xəbər verir ki, bu barədə ABŞ Mərkəzi Komandanlığı (CENTCOM) “X” sosial platformasında məlumat yayıb.

“İlk 24 saat ərzində heç bir gəmi blokadanı keçməyib. Altı ticarət gəmisi isə ABŞ qüvvələrinin tələbinə uyğun olaraq Oman körfəzinə geri dönərək İran limanlarına istiqamətlənib”, - deyə açıqlamada bildirilib.

Məlumata görə, blokadanın həyata keçirilməsində 10 mindən çox amerikalı hərbçi, onlarla gəmi və təyyarə iştirak edib. Eyni zamanda qeyd olunub ki, ABŞ məhdudiyyətləri yalnız İran limanlarına gedən və ya oradan çıxan gəmilərə şamil edilir.

“Mirror” nəşri daha əvvəl yazıb ki, ABŞ-nin müttəfiqləri olan Böyük Britaniya və Fransa bu blokadaya qarşı çıxıb. Nəşrin məlumatına görə, Hörmüz boğazının bağlanması nəticəsində yanacaq qiymətləri kəskin artıb. Qeyd edilib ki, bu boğazdan əvvəl dünya neftinin təxminən 20%-i daşınırdı.

Sevinc Əliyeva
Ordu.az