Ordu.az xəbər verir ki, bu barədə Ermənistan Ədliyyə Nazirliyi məlumat yayıb.

Məlumata görə, erməni nazir Ermənistan ilə Qətər arasında ədliyyə sahəsində mövcud əməkdaşlığın dərinləşdirilməsi və genişləndirilməsi istiqamətində hazır olduqlarını bir daha təsdiqləyib.

“Srbuhi Qalyan nazirliyin cari və qarşıdakı islahat proqramlarını təqdim edib: yeni Konstitusiyanın hazırlanması prosesi, ədliyyə sahəsinin rəqəmsallaşdırılması, korrupsiyaya qarşı mübarizənin gücləndirilməsi, insan hüquqlarının müdafiə mexanizmlərinin inkişafı və penitensiar sistemin islahatı.

Nazir qeyd edib ki, yaxın zamanda ədliyyə sahəsində inkişafın prioritetlərini müəyyən edəcək kompleks strategiyanın hazırlanması planlaşdırılır. Səfir qonaqpərvər qəbula görə təşəkkür edib və Qətərin ədliyyə sahəsində ikitərəfli əməkdaşlığın inkişafında maraqlı olduğunu vurğulayıb.

Hazırda ikitərəfli münasibətlərin dərinləşdirilməsinə yönəlmiş müqavilələr müzakirə mərhələsindədir. Səfir naziri yeni əməkdaşlıq formatlarının başlanması məqsədilə Dohaya dəvət edib”, - deyə məlumatda qeyd edilib.

Alpər Mövludoğlu
Ordu.az