Ordu.az xəbər verir ki, sazişin maksimum dəyəri 885 milyon dollar müəyyən edilib, lakin imza mərhələsində konkret büdcə ayrılmadığı bildirilib.

Sifarişlər 2031-ci ilə qədər veriləcək

Saziş çərçivəsində istehsal sifarişlərinin 2031-ci ilin martına qədər mərhələli şəkildə verilməsi planlaşdırılır. Sursatın ABŞ Quru Qoşunları tərəfindən birbaşa əldə edilə biləcəyi və ya Xarici Hərbi Satışlar proqramı vasitəsilə digər ölkələrə təqdim edilə biləcəyi qeyd olunur.

M1 “Abrams” tankları üçün hazırlanıb

M1147 AMP sursatı 120 mm topa malik M1 “Abrams” tank ailəsi üçün hazırlanıb. Yeni sursatın hazırda istifadə olunan dörd müxtəlif sursat növünü əvəz etməsi nəzərdə tutulur:

M830
M830A1
M908
M1028

Bu yanaşma operativ çevikliyi artırmaq və logistika proseslərini sadələşdirmək məqsədi daşıyır.

Çoxməqsədli istifadə və hava partlayışı qabiliyyəti

Rəsmilər bildirir ki, M1147 AMP əvvəlki sursatların imkanlarını bir platformada birləşdirir.

Sursat canlı qüvvəyə, yüngül istehkam qurğularına və yüngül-orta zirehli hədəflərə qarşı effektiv olacaq şəkildə hazırlanıb.

Proqramlaşdırıla bilən hava partlayışı xüsusiyyəti sayəsində hədəfə çatmadan müəyyən məsafədə partlaya bilir. Bundan əlavə, təxminən 20 sm qalınlığında beton divarları dəlib keçmə qabiliyyətinə malikdir.

Sevinc Əliyeva
Ordu.az