Ordu.az xəbər verir ki, bunu Ermənistanın Baş naziri Nikol Paşinyan deyib.

Paşinyan bu fikri bazanın Ermənistanın Qərbə yönəlmiş siyasətinə mane olub-olmadığı barədə suala cavab verərkən səsləndirib.

O, bu sualı qeyri-korrekt adlandıraraq deyib ki, Ermənistan heç yerə getmir. “Xoşbəxtlikdən və ya təəssüf ki, biz hələ o nöqtədə deyilik ki, Rusiya hərbi bazası yolumuzu bağlasın. Nə vaxt görsək ki, Rusiya hərbi bazası bizim baxış imkanımızı bağlayır, onda düşünərik ki, necə hərəkət edək ki, baxış problemi yaşamayaq”, - deyə Paşinyan izah edib.

O, həmçinin vurğulayıb ki, Ermənistan qarşısına Rusiya ilə münasibətləri pisləşdirmək məqsədi qoymur.

“Bizim Rusiya ilə münasibətləri pisləşdirmək kimi problemimiz yoxdur, olmayıb və olmayacaq. Bizim Rusiyanın maraqlarına zərər vurmaq kimi problemimiz olmayıb, yoxdur və olmayacaq”, - deyə Paşinyan əmin edib.

Alpər Mövludoğlu
Ordu.az