Ordu.az xəbər verir ki, bu barədə Ermənistan XİN məlumat yayıb.

Ermənistan XİN-dən bildiriblər ki, Ermənistan XİN rəhbərinin müavini Ermənistan-ABŞ ikitərəfli münasibətlərinin gündəliyində duran mühüm məsələlərə ətraflı toxunub və bu kontekstdə mövcud inkişafları təqdim edib.

Qeyd edilib ki, Vahan Kostanyan son aylarda Ermənistan-ABŞ strateji münasibətlərində qeydə alınan davamlı irəliləyişi, 2025-ci il avqustun 8-də Vaşinqtonda keçirilmiş sülh sammitində əldə olunan razılaşmaların icra prosesini xüsusi qeyd edib.

“O, xüsusilə, yaxın günlərdə Ermənistan və ABŞ hökumətləri tərəfindən “TRIPP marşrutu” (Zəngəzur dəhlizi-red.) layihəsinin həyata keçirilməsi çərçivəsinin qəbul edilməsini vurğulayıb.

Görüşdə hər iki tərəf ABŞ Nümayəndələr Palatasının Ermənistan-ABŞ strateji tərəfdaşlığının möhkəmləndirilməsində mühüm rolunu qeyd edib, həmçinin ABŞ qanunverici orqanının regional sülhün təşviqi və kommunikasiyaların blokadadan çıxarılmasına töhfə verə biləcək mümkün addımları barədə fikir mübadiləsi aparılıb”, - deyə məlumatda bildirilib.

Alpər Mövludoğlu
Ordu.az