Ordu.az xəbər verir ki, çatdırılma Ukraynadakı müharibə ilə birlikdə taktiki hava gücünü artırmaq məqsədilə həyata keçirilən Dövlət Müdafiə Sifarişi çərçivəsində baş tutub.

“Su-35S” təyyarələri təslimatdan əvvəl müxtəlif əməliyyat ssenarilərində zavod sınaqlarından keçirilib. UAC tərəfindən istehsal edilən bu 4++ nəsil çoxməqsədli döyüş təyyarələri hava üstünlüyü tapşırıqları ilə yanaşı, uzaqmənzilli və dəqiq zərbə imkanları ilə quru və dəniz hədəflərinə qarşı da istifadə üçün nəzərdə tutulub.

“Pilotlarımız Su-35S-in imkanlarını olduqca yüksək qiymətləndirir. Ukraynadakı xüsusi hərbi əməliyyat zamanı sinfinin ən yaxşı performansını göstərdi. Hər yüksəklik və sürətdə geniş sursat çeşidi ilə tapşırıqlar icra edə bilir. Üstün manevr, naviqasiya və hədəfləmə qabiliyyəti ilə əməliyyatlara effektiv töhfə verir”, - deyə “Rostec”in baş direktor müavini Vladimir Artyakov bildirib.

UAC baş direktoru Vadim Badexa isə istehsal tempinin davam etdiriləcəyini deyib: “Silahlı Qüvvələrin ən çox ehtiyac duyduğu təyyarələrdən biri olan “Su-35S”in istehsalına davam edirik. Eyni zamanda istehsal səmərəliliyini artırmağı hədəfləyirik. 2030-cu ilə qədər əmək məhsuldarlığını 30% artırmaq planımız var. Bu ilki sifariş həcmi ötən ilə nisbətən daha yüksək olacaq.”

Qeyd edək ki, təslim edilən təyyarələrin sayı açıqlanmayıb.

Sevinc Əliyeva
Ordu.az