Ordu.az xəbər verir ki, bu barədə “Financial Times” məlumat yayıb.

Almaniya Ehtiyatda Olan Hərbi Qulluqçular Assosiasiyasının rəhbəri Patrik Sensburq təxminən 1 milyon potensial ehtiyatda olan hərbi qulluqçu ilə əlaqə saxlaya bilmədiklərini deyib.

“2011-ci ildə məcburi hərbi xidmət ləğv ediləndə, bu şəxslərin məlumatları da sistemdən silinib. İndi biz onlarla əlaqə saxlaya bilmirik, bu, tamamilə dəlilikdir”, - deyə Sensburq bildirib.

Məlumatların qorunması ilə bağlı sərt mövqe Almaniyanın nasist dövrü və Şərqi Almaniya təcrübələrinə əsaslanan ehtiyatlı yanaşmasından irəli gəlir.

Avropa İttifaqı səviyyəsində məxfilik qanunları da prosesi daha da çətinləşdirir.

Almaniya yeni kansler Fridrix Mertsin müdafiə üçün qeyri-məhdud büdcə təqdim etməsindən sonra NATO-dakı rolunu genişləndirmək niyyətindədir.

Ancaq mövcud 180 min peşəkar hərbi qulluqçuya əlavə olaraq, hədəflənən 260 min nəfərlik ehtiyat qüvvə üçün insan qaynaqları böyük problem olaraq qalmaqdadır. Aktiv ehtiyatda olan hərbi qulluqçuların sayı hazırda cəmi 60 min nəfər civarındadır.

Sevinc Əliyeva
Ordu.az