Ordu.az xəbər verir ki, bu barədə Türkiyə KİV-ləri məlumat yayıb.

Admiral Tatlıoğlu bildirib ki, təlimin ən diqqət çəkən məqamlarından biri Türkiyənin yerli və milli dəniz idarə olunan raketi “Atmaca” ilə ilə həyata keçirilən atış olub.

“Biz bu atışı daha əvvəl də sualtı qayıqımızdan uğurla həyata keçirmişik. Bu gün “TCG Anadolu”dan havaya qalxan TB3 Pilotsuz Uçuş Aparatlarımızla (PUA) real hədəflərə atışlar etdik. TB3-lər təkcə gəmilərdə yerləşdirilməyib, həm də dəniz döyüşlərinin yeni dövrünü açıb”, - deyə o qeyd edib.

Tatlıoğlu TB3-lərin təklif etdiyi yeni əməliyyat imkanlarına da diqqət çəkib.

“Bu platformalar amfibiya əməliyyatları, sualtı qayıq əleyhinə PUA əməliyyatları və sürü insansız dəniz platformalarının PUA-lar tərəfindən idarə edilməsi kimi bir çox yeni doktrinanın tətbiqində qabaqcıl rol oynayır”, - deyə o əlavə edib.

Sevinc Əliyeva
Ordu.az