Ordu.az xəbər verir ki, Hindistanın müdafiə katibi Raceş Kumar Sinqhin iştirakı ilə Yeni Dehlidə “Naval Group” şirkəti ilə “Kalvari” sinfinə məxsus sualtı qayıqlara radioelektron ağır torpedoların (EHWT) inteqrasiyası üçün müqavilə imzalanıb.

EHWT inteqrasiyası Hindistan Hərbi Dəniz Qüvvələri (HDQ), Müdafiə Araşdırma və İnkişaf Etdirmə Təşkilatı (DRDO) və “Naval Group” arasında əməkdaşlıq çərçivəsində həyata keçiriləcək.

Rəsmilər bildiriblər ki, bu inteqrasiya Hindistan HDQ-nin “Kalvari” sinfinə məxsus sualtı qayıqlarının atəş gücünü əhəmiyyətli dərəcədə artıracaq.

Qeyd edək ki, “Kalvari” sinfinə məxsus sualtı qayıqlar Hindistan HDQ tərəfindən idarə olunan və rəsmi olaraq “Project-75” (P-75) adlandırılan dizel-elektrik hücum sualtı qayıqlarıdır. Bu sualtı qayıqlar Fransanın “Naval Group” və Hindistanın “Mazagon Dock Limited” (MDL) gəmiqayırma şirkətləri arasında əməkdaşlıq çərçivəsində inşa edilir.

Sevinc Əliyeva
Ordu.az